UNITY IN ACTION, LIVELIHOOD FOR ALL
Patuloy na lumalawak ang samahan ng BIGKIS sa pamamagitan ng matagumpay na Roll Out and Orientation para sa BIGKIS Taytay Chapter, na naglalayong palakasin ang organisasyon at ihanda ang mga bagong lider sa aktibong paglilingkod sa kanilang komunidad.
Personal na pinangunahan nina BIGKIS President Rex Moran Loba at Founding Chairman Joy Buendicho ang orientation, kung saan ibinahagi nila ang misyon, bisyon, at mga pangunahing programa ng BIGKIS. Binigyang-diin din nila ang kahalagahan ng pagkakaisa, mahusay na pamumuno, at sama-samang pagkilos upang higit pang mapalawak ang mga programang makatutulong sa mga komunidad.
Kasama rin sa aktibidad si National Officer at Provincial Leader ng Rizal na si Rose A. Salazar, na patuloy na nagbibigay ng suporta sa pagpapalawak at pagpapatatag ng BIGKIS sa lalawigan ng Rizal.
Sa pamamagitan ng mga ganitong programa, patuloy na naghuhubog ang BIGKIS ng mga lider na handang magsilbi at maging katuwang sa paghahatid ng mga inisyatibang nagtataguyod ng pagkakaisa, kabuhayan, at kaunlaran.
💬 Ang mahusay na pamumuno ay nagsisimula sa iisang layunin—ang maglingkod.
🌱 Sama-samang nagkakaisa para sa mas matatag na organisasyon at mas maunlad na komunidad.
